ಆರೋಗ್ಯ Health

ದಿನಾಂಕ 07.07.2025 ರಂದು ಬಿ ಎಲ್ ಡಿ ಈ ಡಿಮ್ಡ್ ವಿಶ್ವವಿದ್ಯಾಲಯ ಶ್ರೀ. ಬಿ ಎಂ. ಪಾಟೀಲ ವೈದ್ಯಕೀಯ ಕಾಲೇಜು ಆಸ್ಪತ್ರೆ ಹಾಗೂ ಸಂಶೋಧನಾ ಕೇಂದ್ರದ ಕ್ಷ-ಕಿರಣ ವಿಭಾಗದಲ್ಲಿ ನೂತನವಾಗಿ ( GE CT Scan 32 Slice ) ಜಿಈ ಸಿಟಿ ಸ್ಕ್ಯಾನ್ ಯಂತ್ರವನ್ನು ಅನುಷ್ಠಾಪನೆ

by 30 on | 2025-07-10 11:13:33

Share: Facebook | Twitter | Whatsapp | Linkedin | Visits: 246

---

.

ದಿನಾಂಕ 07.07.2025 ರಂದು ಬಿ ಎಲ್ ಡಿ ಈ  ಡಿಮ್ಡ್ ವಿಶ್ವವಿದ್ಯಾಲಯ ಶ್ರೀ. ಬಿ ಎಂ. ಪಾಟೀಲ ವೈದ್ಯಕೀಯ ಕಾಲೇಜು ಆಸ್ಪತ್ರೆ ಹಾಗೂ ಸಂಶೋಧನಾ ಕೇಂದ್ರದ ಕ್ಷ-ಕಿರಣ ವಿಭಾಗದಲ್ಲಿ ನೂತನವಾಗಿ ( GE CT Scan 32 Slice ) ಜಿಈ ಸಿಟಿ ಸ್ಕ್ಯಾನ್ ಯಂತ್ರವನ್ನು ಅನುಷ್ಠಾಪನೆ  ಮಾಡಲಾಯಿತು . ಈ ಸಮಾರಂಭಕ್ಕೆ ವಿಶ್ವವಿದ್ಯಾಲಯದ ಸಮಕುಲಪತಿಗಳಾದ ಡಾ. ವೈ ಎಂ ಜಯರಾಜ ರವರು ಉದ್ಘಾಟನೆಯನ್ನು ನೆರವೇರಿಸಿ ಪ್ರಾಸ್ತಾವಿಕವಾಗಿ  ಮಾತನಾಡುತ್ತಾ ಈ ಉಪಕರಣವು ರೋಗಿಯ ರೋಗ ತಪಾಸಣೆ ಮತ್ತು ರೋಗ ನಿರ್ಣಯ ಮಾಡುವಲ್ಲಿ  ಬಹಳ ಉಪಯುಕ್ತವಾದ ಸಾಧನವಾಗಿದೆ. ಈ ಉಪಕರಣದ ಸಹಾಯದಿಂದ ಕೋವಿಡ-19  ದಿನಗಳಲ್ಲಿ ರೋಗದ ಭೀಕರತೆಯನ್ನು ಅರಿಯುಲು ಅರಿಯಲು ಬಹಳ ಸಹಾಯಕಾರಿಯಾಗಿರುತ್ತದೆ. ಈ ಒಂದು ಸೇವೆಯ ಬಗ್ಗೆ ಎಲ್ಲಾ ಸಿಬ್ಬಂದಿ ವರ್ಗದವರು ಸಾರ್ವಜನಿಕರಲ್ಲಿ ಅರಿವು ಮೂಡಿಸಿದರ ಜೊತೆಗೆ ಈ ಒಂದು ಯಂತ್ರದ ಸದುಪಯೋಗ ಪಡೆದುಕೊಳ್ಳಬೇಕಾಗಿ ತಿಳಿಸಿದರು, ಜೊತೆಗೆ ಪ್ರಾಚಾರ್ಯರಾದ ಡಾ. ಅರವಿಂದ ವಿ. ಪಾಟೀಲ ರವರು ಮಾತನಾಡುತ್ತಾ ಇನ್ನೂ ಅತ್ಯುನ್ನತವಾದ (GE CT Scan 125 slice ) ಸಿಟಿ ಸ್ಕ್ಯಾನ್ ಉಪಕರಣವನ್ನು ತುರ್ತು ಚಿಕಿತ್ಸಾ ಘಟಕದಲ್ಲಿ ಅನುಷ್ಠಾಪನೆ ಮಾಡಲಾಗಿದೆ ಈ ಉಪಕರಣದ ಮೂಲಕ ಕಾರ್ಡಿಯಾಕ ಸಿಟಿ (Cardiac CT) ಹಾಗೂ ಉನ್ನತ ಮಟ್ಟದ ತಪಾಸಣೆಗಳು ಮಾಡಬಹುದಾಗಿದೆ ಎಂದು ತಿಳಿಸಿದರು.

 ಉಪಕುಲಪತಿಗಳಾದ ಡಾ. ಅರುಣ ಇನಾಮದಾರ ರವರು ಬಿ ಎಲ್ ಡಿ ಈ ಸಂಸ್ಥೆಯ ಅಧ್ಯಕ್ಷರಾದ ಡಾ. ಎಂ ಬಿ ಪಾಟೀಲ ಹಾಗೂ ಕುಲಾಧಿಪತಿಗಳಾದ  ಶ್ರೀ ಬಿ ಎಂ. ಪಾಟೀಲ ಇವರ ಮಾರ್ಗದರ್ಶನದ ಮೇರೆಗೆ ಬಿ ಎಲ್ ಡಿ ಈ  ಕಾಲೇಜು ಹಾಗೂ ಆಸ್ಪತ್ರೆ ಅತ್ಯುನ್ನತ ಗುಣಮಟ್ಟದ ಶಿಕ್ಷಣ ಹಾಗೂ ಆರೋಗ್ಯ ಸೇವೆಗಳನ್ನು ನೀಡುವಲ್ಲಿ ಮುಂಚೂಣಿಯಲ್ಲಿದೆ ಎಂದು ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದರು.

 ಈ ಕಾರ್ಯಕ್ರಮಕ್ಕೆ ಡಾ. ತೇಜಶ್ವಿನಿ ವಲ್ಲಬ ಡಾ. ವಿಜಯಕುಮಾರ ಕಲ್ಯಾಣಪ್ಪ ಗೋಳ  ಡಾ. ರಾಜೇಶ ಹೊನ್ನುಟಗಿ ಡಾ. ಸತೀಶ್ ಪಾಟೀಲ ಹಾಗೂ ಕ್ಷ-ಕಿರಣ ವಿಭಾಗದ ಸಿಬ್ಬಂದಿ ವರ್ಗದವರು ಉಪಸ್ಥಿತರಿದ್ದರು.